Master Kelenn ha stummañ – Kelenn divyezhek dre soubidigezh
Master prientet e KELENN e Kemper
eus ar 1 añ a viz Gwengolo 2025 d’an 3 a viz Gouere 2026
diwar emglev gant INSPÉ Breizh, hag e kenlabour
gant an ISLRF, Ensavadur Uhel Yezhoù ar Republik Gall
Enskrivadur : Teuliad emginnig war https://monmaster.gouv.fr/
Digor adalek miz C’hwevrer 2025. Deiziadur 2025
Fichenn skoazell evit en em enskrivañ : amañ
Posupl eo ivez lakaat e anv war-eeun ganeomp.
Dorioù digor 2025 :
d’ar sadorn 8 a viz C’hwevrer : 09:30 – 12:30
Stummadur :
Un diplom live BAC + 3 a zo ganeoc’h (aotreegezh pe diplom kevatal war ne vern peseurt danvez).
Brezhoneg a gomzit hag a skrivit mat a-walc’h evit heuliañ ur stummadur e brezhoneg. Live B2 an DBY.
Doser en emginnig da glokaat war : https://candidature.monmaster.gouv.fr/
Dibab Master MEEF 1er degré, INSPÉ RENNES, Professorat des écoles bilingues en immersion (KELENN).
E miz C’hwevrer 2025.
Bodadoù degemer adalek miz Mae e sez Diwan e Landerne.
Priziadennoù e brezhoneg, matematik ha galleg hag emgav. 12 plas en holl.
Divizoù kaset e fin miz Even dre al lec’hienn monmaster.gouv.fr
Priz ar stummadur :
- evit ar studierien e stummadur kentañ : 30 € (enskrivadur en ISLRF)
- evit ar studierien a grogo en-dro gant o studioù : 3000 € e M1 ha 1500 € e M2
Arc’hantaouiñ : implij ar C.P.F. ha/pe, evit an dud dilabour, ar stignad rannvro Qualif’emploi.
Sikourioù all :
- SKOAZELL : yalc’had rannvro a 4 000 € evit ar studierien enskrivet e Master 1 pe 2 evit dont da skolaerien divyezhek brezhoneg-galleg (ne c’hell ket bezañ ouzhpennet da Qualif’emploi ) ;
- Skoazell arc’hant Qualif’emploi : evit ar re a implij Qualif’emploi hep resevout arc’hant ebet gant Pol Implij.
Mont en-dro ar stummadur :
Bloavezh kentañ :
E KELENN :
- Gwellaat al live brezhoneg ;
- Anavezout ha kompren mont-en-dro ar skolioù Diwan ;
- Kentelioù ar Master 1 : krouiñ ha sturiañ prantadoù kelenn ebarzhus, ar skipailh desevel, klaskerezh, pleustriñ ha prederiañ, yezh estren : saozneg.
Er skolioù DIWAN :
- Stajoù evezhiañ ha pleustriñ.
Eil bloavezh :
E KELENN :
- Kreñvaat al live brezhoneg ;
- Kentelioù ar Master 2 : krouiñ ha sturiañ prantadoù kelenn ebarzhus, ar skipailh desevel, klaskerezh, pleustriñ ha prederiañ. 2 zevezh / sizhun.
Er skolioù DIWAN :
- 1/3 amzer gopret e karg eus ur c’hlas pe stajoù pleustriñ.
Trede bloavezh :
E KELENN :
- Stummadurioù diouzh an ezhommoù. 12 devezh.
Er skolioù DIWAN :
- Bloavezh staj gopret leun-amzer en ur c’hlas.
Diwar emglev gant INSPÉ Breizh, Skolioù-Meur Roazhon 2 hag UBO hag e kenlabour gant an ISLRF, Ensavadur Uhel Yezhoù ar Republik Gall.
Dibenn ar stummadur :
E fin an eil bloavezh :
Kenstrivadeg diavaez ispisial divyezhek Diwan
Tapet :
- Ur bloavezh-skol leun-amzer e-giz stajiad(ez) Deskadurezh-Stad
- Titladur Deskadurezh-Stad
- Kelenner(ez)-skol validet gant ar Rektordi.
Ket tapet :
- Ur bloavezh-skol leun-amzer e-giz stajiad(ez) Diwan
- Titladur Diwan
- Skolaer(ez) DIWAN.
- Kenstrivadeg diavaez ispisial divyezhek Diwan.
Deuit e darempred ganeomp !
DIWAN – BP 147, Saint Ernel, 29411 Landerneau Cedex
Service pédagogique : –
Diwan – ISLRF – INSPÉ Bretagne – UR2 – UBO – Kampus Kemper
